Novas

23 / Xaneiro / 2024 · Por: Aliad Ultreia

A secretaria Xeral da Igualdade, Sandra Vázquez Domínguez, visitou onte as instalacións de Aliad Ultreia. Durante a visita interesouse sobre os programas que a entidade ten en marcha e mantivo unha reunión co personal técnico da entidade para mellorar aspectos relacionados cos programas que esta entidade desenvolve no ámbito da igualdade.

12 / Abril / 2023 · Por: Aliad Ultreia

No día de hoxe representantes do C.B. Breogán participaron nunha actividade organizada pola Asociación Aliad Ultreia no Centro Penal de Monterroso. A actividade denominada “Aulas Abertas” forma parte do Proxecto de Animación Sociocultural que desenvolve Aliad Ultreia xunto co equipo SEPA da Universidade de Santiago de Compostela e o grupo ECIGAL da Universidade da Coruña nesta prisión.

31 / Marzo / 2023 · Por: Aliad Ultreia

O 31 de marzo de 2023 a presidenta da entidade Dña. María Barba Núñez acompañada do xerente da misma D. Manuel Diz Díaz asistiron ao acto de inauguración da Convocatoria 2023-2024 do Programa Más Social impulsado pola Fundación Barrié. Nesta edición, na que participan 59 entidades de toda Galicia,  Aliad-Ultreia é unha das 10 entidades beneficiarias do Programa Formativo nivel II.

27 / Setembro / 2022 · Por: Aliad Ultreia

Estamos de noraboa!

Onte día 27 de setembro de 2022 o programa Senlleiras recibiu A Medalla Concepción Arenal outorgadas pola Asociación Penitenciaria Concepción Arenal.

Estas medallas foron entregadas a diversas entidades públicas e sociais, así como a persoas que traballan con mulleres en vulnerabilidade no entorno da cidade de Lugo. Entre os galardonados atopábanse tamén Félix Rodríguez Fernández, director do Centro Penitenciario de Monterroso; José Manuel Sánchez Murias, tenente da Garda Civil; Miguel González, Xeneral de Brigada da Garda Civil; Sonia Aparicio, da unidade de estranxeiría da Policía Nacional de Lugo, o Programa de Muller de Cáritas Lugo, o Programa de mulleres en dificultade social da Cruz Vermella de Lugo, Amelia Tiganus, experta na trata sexual e poñente nas xornadas, e Paula Fraga, experta en igualdade e tamén poñente nas xornadas.

O recoñecemento ao Programa de Aliad Ultreia recolleuno a nosa compañeira Ana Barba, coordinadora do área de Muller da entidade.

21 / Setembro / 2022 · Por: Aliad Ultreia

O pasado 21 de setembro a Conselleira de Promocion de Emprego e Igualdade Dna. Maria Jesus Lorenzana xunto coa Secretaria Xeral da Igualdade Dna. Susana López Abella presentaron en Santiago de Compostela o 1 Plan Galego contra a Trata. Neste Plan participou a Rede Galega contra a Trata Sexual, da que @aliadultreia forma parte xunto con outras 11 entidades, aportando o 61% das 59 medidas que recolle o Plan.
Este Plan ten unha vixencia de tres anos
(2022-2024), recolle 5 areas estratéxicas e ten
como finalidade articular políticas transversais para contribuir á súa erradicación e fortalecer os recursos de atención integral ás vítimas.

17 / Agosto / 2022 · Por: Aliad Ultreia

Compartimos convosco a Memoria de actividades do ano pasado, onde podreis coñecer todas as actividades e proxectos que levamos a cabo durante o 2021, ademais das colaboracións, aliados e aliadas e as contas da entidade.

Non dudeis en acceder ao apartado de memorias na nosa páxina web o noso seguinte link:

https://www.aliad.org/archivos/38/Memoria-Aliad-2021-32.pdf

E calquera dúbida contactade connosco!

06 / Xuño / 2022 · Por: Aliad Ultreia

Aliad Ultreia asinou, o venres 3 de xuño, en Santiago de Compostela o convenio para o desenvolvemento do Programa de Atención Xurídico Social a Persoas con Trastornos Adictivos. 
Este convenio permite financiar, durante o periodo de un ano, as actividades que no eido das adiccións Aliad Ultreia desenvolve desde fai varia décadas. No ano 2021 este Programa atendeu a 209 persoas (177 homes e 32 mulleres) con trastornos adictivos da provincia de Lugo en temas sociais e/ou xurídicos.  
Á sinatura asistiron, entre outras persoas,o Conselleiro de Sanidade D. Julio García Comesaña, o Secretario Xeral Técnico D. Alberto Fuentes Losada a Vicepresidenta de Aliad Ultreia Dna. Ana Luisa Posada Luaces e o xerente desta entidade D. Manuel Diz Díaz. 
Neste mesmo acto asinaron convenio outras 5 entidades Galegas que desenvolven este tipo de programas por todo o territonio da comunidade autónoma. 
 

19 / Maio / 2022 · Por: Aliad Ultreia

06 / Maio / 2022 · Por: Aliad Ultreia

Esta semana tivemos outra Aula Aberta no Centro Penal de Monterroso. Nesta ocasión, da man de Antonio García Vinuesa, divulgador científico e investigador na Universidade de Santiago de Compostela, que nos falou sobre cambio climático.
Foi unha xornada moi enriquecedora, unha oportunidade de achegar ciencia e debate máis aló dos muros de prisión. Os internos que asistiron participaron de forma moi activa e mostráronse moi interesados neste ámbito.
Esta actividade está encadrada na liña de motivación ao estudo e reforzo educativo dentro do Plan de Animación Sociocultural que se está a desenvolver nese centro, no que ademáis de Aliad-Ultreia participan o Grupo SEPA da Universidade de Santiago de Compostela e o Ecigal da Universidade da Coruña e coa colaboración da Asociación Melisa, entre outros.
Este proxecto está financiado pola Fundación "la Caixa"
 

22 / Abril / 2022 · Por: Aliad Ultreia

Esta semana tivemos o obradoiro "Ocio e tempo libre. Propostas de voluntariado", os días 20 y 21 abril, no que creamos propostas de acción social e participación nas actividades da entidade.

Foron dúas xornadas nas que se creou un espazo super enriquecedor, de aprendizaxe e creación mutua, con moita implicación e compromiso por parte das persoas participantes

Espéranos un ano moi ben acompañadas con moitas ideas para desenvolver que se verán melloradas co bo saber facer e estar nas persoas voluntarias.